يا الي دعيتو ترى الداعي عزيز علي
من نجد حق علي أجيلكم عاني
مجلسكم اقلط الضيفان في صدره
اجي لكم وأعتبرني صاحب الشآني
وان جيتو لمجلسي فأنتو هل المجلس
وانا اعتبرني وربعي فيه ضيفاني
أنتو هل الفزعة الي تقضي الحاجة
وأنتو هل الوقفة الي تمن الجاني
متوارثين الوفاء والطيب والشيمه
حتى بنيتوبها ما سر الأعياني
روس القبيلة فخرنا ماضي وحاضر
نوادر طيبكم من رآس ثقفاني
فيكم تكاتف يغيض الخصم ويهزه
هافي الهقاوي ضعيف الجهد هرياني
ويسرنا يا قبايلكم ويسعدنا
واحنا لكم بإذن ربي قدر الإمكاني
اليوم يوم الوفاء للشيخ ابو نايف
كرامته من هله عمان وأخواني
حر تندر وحلق في السماء وانتو
جنحانه وحلق النادر بجنحاني
كرامته واجب تفعل ويستاهل
من حد سعيا لبيش إلحد سنحاني
حددتها يوم هو منهم وهم منه
وإلا كرامته من عرعر لنجراني
كرامته عند ربعه قبل الاقصينا
يدري بها قاصي العربان والداني
من باب تقدير ماهي كبر ومزايد
فالكبر يرجع على راعيه نقصاني
والله مغانيه وإيده بحرها فايض
كم ارتوى من عطا يمناه ضمياني
وانا اعرف ان له سنه يدفر قبايلنا
من قل فرصة وصاحب بر واحساني
ويحن ربعه ولا يبغى يكلفهم
قبايله من قديم الوقت كرماني
والواجب اليوم مثل اسمه وَذَا وجهه
في ذمتي ان موعده يا شيخنا حاني
يا طيبها ساعة تقلط مجالسنا
الي بها البن يدرج وسط رسلاني
والي بها العود الأزرق فايح نده
والي بها كل منهو طلق حجاني
والي بها الفايدة من عارف وناقد
والي بها الذكر واستشهاد قراني
والي بها ابوي ساس البيت واطنابه
كريم سبلا سديد الرأي قوماني
الي يقول ارحبو ترحيبة تقري
ترحيبة تقري الضيفان قعداني
الشيخ قدره كبير ومرقبه قمه
ولا غرابه مدامه طير حوراني
شيخ علومه تجمل لا ذكرناها
ذخر القبيلة فخرنا فعل ولساني
في كل يوم مواقيفه تشرفنا
راياتنا رفرفت من فوق الامزاني
وإذا بغانا فحن بأمره وتوجيهه
له محزم من قبائل بشر ملياني
وآخر نموذج يوثق ما ذكرت أعلاه
فزعتكم وجيت المحضار عجلاني
حضوركم عند ابن شافي وانا محمد
شي يهول العقل ويجنن الجاني
يشوش الرآس من جمعى بني عمي
في موقف يفتخر به كل قحطاني
هبو ولبو الندا في الموعد القايم
ثم أقبلو مثل موج البحر هيجاني
بشر ابن حرب وقبائل جنب في بيرق
إمسنن الرآس شاله كل صنياني
صدام جهز بيارقنا وجملنا
٢٢ صالت وسط ميداني
توحد الصف خلف رياض ابو نايف
معه ٨٠ شيخ روس واعياني
من خلفهم فوق ٢٠ الف رجالي
متقادرين وبعضهم يحشم الثاني
رياض نب وزهمهم في عجب شافي
واستر شافي وغضنا كل شيطاني
ولو انها بالمشوك مثل ما قاله
جينا لهم كلنا بإرماح وإسناني
ونخلي الجوف مركاز لكتايبنا
رجليه وفوق قب الخيل فرساني
ثم نجعل الخيل تجمح داخل الدوحه
ونحررش يا قطر من كل خواني
ولكن اليوم حن بأمر الملك نمضي
حن تحت ظل الولي ثم ظل سلماني
قايد مسيرة وطنا طيب السيرة
الي نهض بالوطن من بين الاوطاني
بالحزم والعزم والتدبير والدبره
روس الحيايا قطعها وسط طهراني
ومحمد الي خذا من جده معزي
الهيبه الي بحد السيف شوماني
ميزان حق يشوف الحق ويقره
وان شاف غيره يزجه خلف قضباني
هذا عمر وقتنا والخير في وجهه
انشهد انه غدا للعدل ميزاني
الله يطول بقا حكام دولتنا
الي بنوها على سيسان واركاني
والي على الحد يسهر لا غفت عيني
على أمن داره ومن في الدار سهراني
الله يعزه بتوفيقه وتمكينه
ويرجع لنا سالم وبالنصر ظفراني
د. محمد بن شويل البشري