‏العود لا فار قطرانه ظهر عجه
واللي حواليه عج العود عزرهم
يا راعي الضو تل العود ثم زجه
دامك خلطت ايبس العيدان واخضرهم
والعج ما يجلب إلا الضيق والضجه
يا حسرتي خاب ظنك يوم تذخرهم
أنا خوي الخوي في الساعة الحرجة
‏لا ضاعو أهل المصالح يوم دورهم
وأنا دليل الخوي لادور الحجه
في ساعة بين الرديان منكرهم
وانا سراج الخوي لا سار في فجه
اجعله ينظر لعدوانه ويحقرهم
و‏اجعل من عداه في عيون العرب فرجه
‏اصغرهم آجنبه وأصغر أكبرهم
هذي مناهيجنا والكل له نهجه
ولاني من أطول بني عمي ولا أقصرهم
وان جاء برآس الخوي حذفات من رجه
أعدله قبل ما يضحك به أعورهم
ولا أجعله يتبع الي سيرته عرجه
ولا يدور ورى المقبل ومدبرهم
صلاته وصومه وزكاته وحجه
أعينه إنه على الشهوات يؤثرهم
فالدين يدخل على صدر الشقي بهجه
ويعز راعيه لو كانه من أصغرهم
د. محمد بن شويل البشري