خالد الفيصل
ليت عقل العودفي سن الشبـاب
وحكمةالستيـن فـي عشرينهـا
كان ماجرَ القـدم درب العـذاب
وانتهزت ظروفهـافـي حينهـا
وكان ما ضاعت دقايقهـا هبـاب
وكـل لحظـةأستغـل سنينهـا
كم تركت من الفرص واقفلت باب
بعتهاواهـل الفـرص شارينهـا
وان نصحني ناصح أِحْسِبْ حِساب
قلـت يمـدي..توَنـا بادينهـا
العمـر بـاوَل زمانـه لا تهـاب
والَليـالْيْ طـوال يـاسارينـهـا
ما هقيت إن الزمن مثل السـراب
والَليالـي خيَـبـت راجينـهـا
أثر ساعات العمر مثل السحـاب
بالظلام تمـر مـا نـدري بها
مجاراة عبدالله الجحلي
--------------------
ياعوض هجيت للخفاق باب
كان مقفل عن طواري شينها
قسمت الارزاق حتى للذباب
والقناعة كنز في تخزينها
والمواقف للرجال افضل نصاب
وكم رخوم بطيبنا كاسينها
انت تعرف ما تكسبنا كذاب
ولافجرنا والورق قارينها
كان شاب العمر والا في الشباب
قسمة المولى لنا راضينها
ودام ذا الدنيا تواليها تراب
فانت مكسب والبقيه طينها
ردي
--------
طاب هاجوسك معي ذالليل طاب
مرحبا حياك يا فنانها
غالي وابن المشاكيل الحباب
خوتك من صغرنا بازينها
الخيال الخصب والواقع يباب
ماستوت لأيام يا راجينها
التمني يقظة بعد الغياب
راجعت الايام في مضمونها
لحظة بين التأسي والعتاب
عززت عشرين من مليونها
ذكريات كنها وقفة حساب
والتمني ما يرد طعونها
ليت ماجابت لنا زاد وشراب
والقوافي هايم مجنونها
قوة الأفعال واعزومٍ صلاب
ورثها عز وفخر شيبانها
سمعة الرجال له ستر وحجاب
من عيون تهتني بحزونها
الحظيظ اللي رجع لله وتاب
قرب المصحف وحفظ متونها
كل شي مكتوب في صفحة كتاب
ما يغادر ذرة أو دونها
والصلاة على النبي أفضل خطاب
ورحمة الله دائما راجينها
2 معجبٌ بهذا
و  معجبٌ بهذا